काठमाडाैं ।  कांग्रेस नेता डा. शेखर कोइराला समूहको बैठक अनुपम फुडल्यान्ड बत्तिसपुतलीमा सुरु भएको छ । बैठकमा पार्टीको आगामी केन्द्रीय कार्यसमिति बैठकमा कोइराला समूह कसरी प्रस्तुत हुने भन्ने विषयमा छलफल हुनेछ । यस्तै आगामी महासमिति बैठक र समसामयिक विषयमा छलफल हुने नेताहरूले बताएका छन् ।

बैठकमा नेता कोइराला, उपसभापति तथा कानुनमन्त्री धनराज गुरुङ, महामन्त्री गगन थापा, सहमहामन्त्री बद्री पाण्डे र जीवन परियार, केन्द्रीय सदस्यहरू अर्जुननरसिंह केसी, बलबहादुर केसी, सञ्जय गौतम, दिपक गिरी, अजयबाबु शिवाकोटी, प्रतिमा गौतम,  रामकृष्ण यादव, भुपेन्द्रजंग शाही, जगदिश्वरनरसिंह केसीलगायतका नेताहरू सहभागी छन् ।

यसअघि यो बैठक मंगलबारका लागि तय भएको थियो । तर, महामन्त्री गगन थापाले सो बैठकमा सहभागी नहुने भएपछि कोइराला र थापाबीच बढ्दो दूरीलाई घटाउने सहमति भएसँगै बैठक आज बसेको हो ।