☰
एजेन्सी । घरेलु मैदानमै टोटनहामले हार ब्यहोरेको छ। नेपाली समयानुसार आइतबार राति भएको खेलमा एस्टन भिल्लासँग टोटनहाम २–१ गोल अन्तरले हार्यो।
खेलको २२औं मिनेटमा पेराको पासमा लो केल्सोले गोल गर्दै टोटनहामलाई सुरुवाती अग्रता दिलाएका थिए। तर पहिलो हाफको अतिरिक्त समयमा एस्टन भिल्लाका डल्गस लुइजको पासमा पउ टोरेसले हेडमार्फत गोल गर्दै खेल बराबरीमा ल्याएका थिए।
दोस्रो हाफको ६१ औं मिनेटमा वाटकिन्सले गोल गरेपछि एस्टन भिल्लाले २–१ को अग्रता बनाएको थियो।
यो खेलमा टोटनहामका ३ र एस्टन भिल्लाका १ गोल रद्द भए। टोटनहामका स्ट्राइकर सनले गरेका ३ वटा गोल अफसाइड भएर रद्द भएका थिए।
यता एस्टन भिल्लाको १ गोल अफसाइड भएपछि रद्द भएको थियो। ह्याट्रिक गोल रद्द भएपछि टोटनहामले घरेलुमै मैदानमै हार बेहोर्यो।
हारसँगै १३ खेलबाट २६ अंकका साथ टोटनहाम प्रिमियर लिगको पाँचौं स्थानमा छ। समान खेलबाट २८ अंकका साथ एस्टन भिल्ला चौथो स्थानमा छ।
