काठमाडौं । युरो कप छनोटअन्तर्गत शनिबार राति भएको खेलमा फ्रान्सले जिब्राल्टरविरुद्ध १४ गोल गरेको छ। फ्रान्सको जितमा ९ फरक खेलाडीले १३ गोल गरे। १ गोल भने सुसाइड गोलमार्फत् फ्रान्सले पाएको थियो।

केलियन एमबाप्पेले ह्याट्रिक गोल गरे। अर्का स्टाइकर ओलिभर जिरुडले २ गोल गरे। कोमनले पनि २ गोल गरे।

डेम्बेले, फोफाना, रोबिट, क्लासस, इमरी थुर्माले भने समान १–१ गोल गरे। खेलभर जिब्राल्टर भने निरिह देखियो। १८औं मिनेटमा सान्टोसले रोतो कार्ड खाँदै मैदान बाहिरिएपछि जिब्राल्टर १० खेलाडीमा सीमित भएको थियो।

समूह ‘बी’ मा रहेको फ्रान्स समूह विजेता बन्दै यसअघि नै युरो कप २०२४ मा छनौट भइसकेको छ। अंकबिहिन हुँदै जिब्राल्टर भने बाहिरिसकेको छ।