☰
काठमाडौं । वाणिज्य बैंकहरूले आउँदो असोज १ गतेदेखि लागु हुने ब्याजदर सार्वजनिक गरेका छन् ।
सञ्चालनमा रहेका २० वाणिज्य बैंकमध्ये केहीले हाल दिँदै आएको ब्याजदरभन्दा घटाएका छन् । चार बैंकले स्थिर राखेका छन् । केही बैंकले ब्याजदर बढाएका छन् ।
ब्याजदर स्थिर राख्नेमा प्रभु, माछापुच्छ्रे, सिद्धार्थ र एनएमबि बैंक छन् । यी बैंकले मुद्दती निक्षेपमा ९.९९ प्रतिशत ब्याज दिने भएका हुन् । यसअघि पनि यी बैंकको ब्याजदर यति नै थियो ।
ब्याजदर घटाउनेमा नेपाल बैंक, सानिमा, सिटिजन्स बैंक, कुमारी, राष्ट्रिय वाणिज्य बैंक, लक्ष्मी सनराइज बैंक र ग्लोबल आइएमई बैंक रहेका छन् । यी बैंकले ०.४० प्रतिशतदेखि १.६० प्रतिशत विन्दुसम्म ब्याज घटाएका छन् ।
ब्याजदर बढाउनेमा हिमालयन, एभरेस्ट, नेपाल इन्भेस्टमेन्ट मेगा, कृषि विकास बैंक, प्राइम कमर्सियल, नबिल, स्ट्यान्डर्ड चार्टर्ड र नेपाल एसबिआई बैंक रहेका छन् । यी बैंकले ०.०१ प्रतिशतदेखि १.०६ प्रतिशतसम्म ब्याजदर बढाएका छन् ।
