काठमाडौं । नेपाली युवा पुस्तामाझ लोकप्रिय गायक दीपक बज्राचार्य र उनकी छोरी चेरिसा बज्राचार्यलाइ इन्टरनेशनल एजुकेसन, माइग्रेसन एण्ड भिसा सर्भिसेस कम्पनी ‘स्मार्ट एक्सेस’ ले ब्राण्ड एम्बेसडरमा नियुक्त गरेको छ ।

नेपाली गीत संगीतलाई अन्तर्राष्ट्रिय रुपमा प्रचारप्रसारको लागि उल्लेखनीय योगदान गरेका गायक दीपक बज्राचार्य र उनकी छोरी चेरिसा यतिबेला ‘प्रोजेक्ट नजिक’ अन्तर्गत अस्ट्रेलियाको साँगितिक टुरमा छन् ‘स्मार्ट एक्सेस’ले बुधबार अस्ट्रेलियाको मेलबर्न स्थित आफ्नो अफिसमा एक कार्यक्रम बीच दीपक बज्राचार्य र उनकी छोरी चेरिसालाइ आफ्नो कम्पनीको ब्राण्ड एम्बेसडरमा नियुक्ती गरेको हो ।

आजभन्दा करिब ९ वर्षअघि अस्ट्रेलियामा स्थापना भएका ‘स्मार्ट एक्सेस’को अस्ट्रेलियामा बाहेक नेपाल, पाकिस्तान, फिलिपिन्समा समेत कार्यालयहरू छन् ।