☰
काठमाडौं। गायिका लक्ष्मी हमालले राख तिम्रो मुटुभित्र सार्वजनिक गरेकी छन् । श्रावण मेलाको पौका पारेर शिव भजन ‘ओम भोले शंकरा’ ल्याएकी लक्ष्मीले लगत्तै प्रेम गीत राख तिम्रो मुटुभित्र सार्वजनिक गरेकी हुन् ।
शब्द, संगीत र स्वर आफैं गरेकी लक्ष्मीले पहिलो पल्ट म्युजिक भिडियोको निर्देशन समेत आफैं गरेकी छन् । भिडियोमा मल्लिका राजोपाध्याय र जतिन ताम्राकार फिचर्ड छन् ।
मल्लिका लक्ष्मीको यसअघि सार्वजनिक बस्यो पिरती, आउसँगै झुमि नाँचौँमा समेत देखिइसकेकी छन् भने जतिन उनको म्युजिक भिडियोमा पहिलो पल्ट देखिएका हुन् ।
दिपक गिरीको सिनेमाटोग्राफी रहेको म्युजिक भिडियोको एडिटिङ तथा कलरिङ अमृत चापागाँईले गरेका छन् । तास स्टुडियोले मास्टरिङ गरेको अडियोको एरेन्जर सञ्जय हमाल हुन् ।
