काठमाडौँ। गायक कर्णराज गिरी र कमला रेग्मीको स्वरमा नयाँ गीत “लुकी लुकी” सार्वजनिक भएको छ । डान्सिङ नम्बरको गीतमा दीपक प्रसाद ओलीको शब्द तथा अर्जुन पोखरेलको संगीत रहेको छ ।

गीतको भिडियोमा पल शाह र इभा गिरी फिचर्ड छन् । यी दुईको जोडी गीत अनुसार सुहाएको प्रतिक्रिया कमेन्टमा प्राप्त भईरहेको छ । गीतसंगीतकै आकर्षणले भिडियोमा जोडिएको पलले बताए ।

भिडियोमा विक्रम चौहानको निर्देशन रहेको छ । सो गीतमा पवन सुस्लिङ्गको छायांकन, मिलन विश्वकर्माको सम्पादन र कलर करेक्सन रहेको छ ।