काठमाडौं । जलस्रोतको धनी देश भएर पनि नेपालले विदेशबाट पानीको आयात गर्ने गरेको छ । भन्सार विभागका अनुसार पछिल्लो एक वर्षमा नेपालले तीन लाख ३२ हजार रुपैयाँको मिनिरल वाटर आयात गरेको छ ।

गत आर्थिक वर्ष २०७९/८० मा नेपालले एकहजार ९२२ लिटर मिनिरल वाटर आयात गरेको हो । नेपालले फ्रान्स, भारत र बेलायतबाट मिनिरल वाटर आयात गरेको विभागले जनाएको छ ।

अघिल्लो आर्थिक वर्ष २०७८/७९ मा नेपालले एक लाख एक हजार रुपैयाँको मिनिरल वाटर आयात गरेको थियो ।