काठमाडौँ । हङ्कङबाट ल्याइएको करिब १०० किलो सुन तस्करीमा संलग्नताको आरोपमा प्रहरीले थप एक जनालाई पक्राउ गरेको छ ।

राजश्व अनुसन्धान विभाग स्रोतले पक्राउ पर्नेमा राजन श्रेष्ठ रहेका छन् । उनी राजधानीको कोटेश्वरबाट पक्राउ परेका हुन् ।
यससँगै यो प्रकरणमा पक्राउ पर्नेको संख्या ७ पुगेको छ ।

बुधवार साँझ विमानस्थल भन्सार कार्यालय बाहिरबाट करिब १ क्विन्टल सुन बरामद भएको थियो । सुन राष्ट्र बैंकको टक्सार महाशाखामा जोख्न प्रक्रिया थालिएको छ ।