काठमाडौं । बलिउड अमिताभ बच्चनले इन्स्टाग्राममा वर्षौं पुरानो तस्बिर सेयर गरेका छन्। यो तस्बिरमा दुई केटी दिग्गज अभिनेताको काखमा देखिएका छन्।

यी दुई अरु कोही होइन, दिग्गज अभिनेता राजेश खन्नाकी छोरी ट्विंकल खन्ना र अमितावकी छोरी श्वेता नन्द बच्चन हुन्। यो तस्बिर श्वेता बच्चनको जन्मदिनको हो, जसमा बिग बीले जन्मदिनको टोपी लगाएका छन्।

थ्रोब्याक तस्बिर सेयर गर्ने क्रममा अमिताभले क्याप्सनमा सबैको पहिचान खुलाएका छन्। उनले लेखेका छन्, ‘मेरो देब्रेतर्फ सेतोमा ट्विंकल खन्ना र अर्को तर्फ श्वेता। यो तस्बिर श्वेताको जन्मदिनमा खिचिएको हो। ट्विंकलले अहिले अक्षय कुमारसँग विवाह गरिन्। मेरी छोरी श्वेताको विवाह निखिल नन्दसँग भएको छ, जो नव नन्द र अगस्त्य नन्दकी आमा हुन्।’

अमिताभले थप लेखेका छन् ‘अगस्त्य छिट्टै आफ्नो फिल्मबाट इन्डस्ट्रीमा पाइला राख्न लागेका छन्। ट्विंकल यहाँ धेरै प्यारो देखिन्छिन् र श्वेताले भर्खरै केही हासिल गरेकी छिन्।’