काठमाडौं । काठमाडौं महानगरपालिकाले   छात्रवृत्ति नदिने विद्यालयको नाम सार्वजनिक गरेको छ ।

महानगरले नियम अनुसार छात्रवृत्ति उपलब्ध गराउन अटेर गर्ने ३४२ निजि विद्यालयको सूची सार्वजनिक गरेको हो

काठमाडौं महानगरपालिकाले गत जेठ १० गते १० प्रतिशत विद्यार्थीलाई छात्रवृत्ति प्रदान गर्न र त्यसको विवरण वेबसाइटमा प्रकाशित गर्न भनेको थियो।

त्यसअनुसारको विवरण पेश नगर्ने ३४२ वटा विद्यालयको सूची प्रकाशित गरेको छ।


जेठ २८ गतेसम्म पनि ती विद्यालयले जेठ छात्रवृत्ति उपलब्ध गराएर विवरण नबुझाएमा काठमाडौँ महानगरपालिका शिक्षा ऐन, २०७५ को दफा ५६ को उपदफा ४ अनुसार विद्यालयलाई प्रदान गरिएको अनुमति वा स्वीकृति रद्द अथवा प्रचलित कानून बमोजिम हदैसम्मको कारबाही गर्ने जानकारी पनि दिएको छ।