लन्डन, (एजेन्सी) । विश्वकप विजेता अर्जेन्टिना र लियोनेल मेसीले लाउरेस वल्र्ड स्पोर्ट्स अवार्डमा टिम अफ द इयर र स्पोर्ट्सम्यान अफ द इयरको अवार्ड जितेका छन् ।

गत नोभेम्वर र डिसेम्वरमा भएको विश्वकपको उपाधि जिताएका अर्जेन्टिनाको कप्तान समेत रहेका मेसीले विश्वकपमा सात गोल र गोल्डेन बल जित्न सफल भएका थिए । मेसी एक वर्ष टिम र व्यक्तिगत अवार्ड जित्ने पहिलो खेलाडी बनेका छन् । त्यस्तै, निर्धारित र थप गरिएको समयमा ३–३ गोलको बराबरी भएपछि अर्जेन्टिनाले २०१८ को च्याम्पियन फ्रान्सलाई टाइब्रेकरमा पराजित गर्दै तेस्रोपटक विश्व च्याम्पियन बन्न सफल भएको थियो ।

स्पोर्ट्स वुमन अफ द इयर जमैकन स्प्रिन्टर शेली–एन फ्रेजर–प्राईस भइन् । उनले जुलाईमा ओरेगनमा भएको विश्व एथ्लेटिक्स च्याम्पियनसिपमा महिलाको १ सय मिटरको विश्व उपाधि जितेकी थिइन् । उनी च्याम्पियनसिपमा व्यक्तिगत ट्रयाक इभेन्टमा पाँच स्वर्ण जित्ने पहिलो खेलाडी बनेकी थिइन् । ३६ वर्षीय फ्रेजर प्राईस १३ वर्षपछि १ सय मिटर स्वर्ण जित्ने भेट्रान खेलाडी बनेकी हुन् । उनले सन् २०२२ मा १ सय मिटर दुरी १०.७ सेकेन्डमा दौडिएकी थिइन् ।

म्यानचेस्टर युनाइटेड र डेनमार्कका मिडफिल्डर क्रिस्टियन एरिक्सनले युरो २०२० मा कार्डियक अरेस्टका कारण पिचमा ढलेपछि फुटबलमा फर्किएपछि कमब्याक अफ द इयर जिते । पुरुष टेनिस विश्व नम्बर दुई कार्लोस अल्काराजले २०२२ पछि विश्व सफलताको उत्कृष्ट पुरस्कार पाएका थिए । तत्कालीन १९ वर्षीय युएस ओपन जिते र टेनिसको सबैभन्दा कान्छो पुरुष नम्बर एक बने ।

त्यसैगरी ब्रेकथ्रू अफ दि इयर अवार्ड कार्लोस अल्काराज, अपाङ्ताको साथमा वर्षको उत्कृष्ट खेलाडी क्याथरिन डेब्रुनर, वल्र्ड एक्शन स्पोर्ट्स पर्सन अफ द इयर अवार्ड इलिन गु ले, स्पोर्टस फर गुड अवार्ड बार्सिलोना र पोल्याण्डका स्ट्राइकर रोबर्ट लेवान्डोस्कीलाई प्रदान गरियो । लोरेस एकेडेमीका सदस्यहरू बन्ने खेलकुदका महान् खेलाडीहरूको चयनद्वारा पुरस्कार विजेताहरूलाई मतदान गरिएको थियो ।