☰
काठमाडौं । बलिउड सुपरस्टार शाहरुख खान फिल्म ‘पठान’ को सफलतापछि अब एटली कुमारको ‘जवान’ अभिनय गर्दैछन्। फिल्म जवानको फर्स्ट लुक पोस्टर समेत सार्वजनिक भइसकेको छ।
सुटिङ सकिइसकेको फिल्म जवानमा शाहरुख दोहोरो भूमिकामा देखिँदैछन्। उनी यो फिल्ममा उनी बाबु-छोराकै भूमिका निर्वाह गर्दैछन्।
शाहरुखको फिल्म जवान अमिताभ बच्चनको फिल्म ‘आखिरी रास्ताबाट प्रभावित रहेको बताइएको छ। आखिरी रास्ता कमल हसनको फिल्म ‘ओरु कैदियिन डायरी’को रिमेक थियो। जसमा अमिताभ तथा कमल हसनले यी फिल्ममा बाबु र छोराको भूमिका गरेका थिए।
फिल्म जवानमा पनि शाहरुखको भूमिका यिनै फिल्मबाट प्रभावित भएको र कथा पनि मिल्दोजुल्दो रहेको भारतीय समाचार एजेन्सीहरुले बताएका छन्।
