काठमाडौं  । चीनको वुहानबाट विश्वभर फैलिएको कोरोना भाइरस अन्त्य भएको छ। विश्व स्वास्थ्य संगठन (डब्ल्यूएचओ)ले कोरोना भाइरस संक्रमणको महामारी अन्त्य भएको घोषणा गरेको छ हो ।

डब्ल्यूएचओका अध्यक्ष टेड्रोस अदनोम घेब्रेयसले संगठनको आपतकालीन समितिको बैठकले कोरोना महामारी अन्त्य गर्ने निर्णय गरेको जानकारी दिए।

अन्तर्राष्ट्रिय सञ्चारमाध्यमका अनुसार उनले थप स्पष्ट पार्दै भनेका छन्, ‘कोरोना महामारी र आपतकालीन अवस्थाको अन्त्य भए पनि कोरोना रोगका रूपमा भने कायमै रहेको छ।’
डब्ल्यूएचओले ३० जनवरी २०२० मा कोरोना महामारीको घोषणा गरेको थियो। त्यसयता कोरोनाका कारण विश्वभर ७० लाख व्यक्तिको मृत्यु भएको छ।