☰
गर्मी मौसममा शरीरमा पानीको कमी हुनसक्छ । शरीरलाई स्वास्थ्य राख्न दैनिक प्रशस्त पानी पिउनुपर्छ ।
शरीरमा पानीको कमी भएका छाला सुख्खा हुने, थकान महसुस हुने, मुख सुक्ने, तिर्खा लाग्ने, टाउको दुख्ने,मांशपेसी बाउडिने, खाना खान मन नलाग्ने लगायतका समस्याहरु देखिन्छ ।
यस्ता समस्याबाट बच्न पानी तथा तरल पदार्थ तथा फलफूल नियमित र प्रशस्त पिउनुपर्छ ।
यी फलफूल खाँदा शरीरमा पानीको कमी हुँदैन
मेवा
गर्मी मौसममा घाममा धेरै हिड्ने व्यक्तिको छाला डढेर कालो हुन्छ । त्यसैले गर्मी मौसममा छाला डढ्नबाट जोगिन नियमित रुपमा मेवा खानु उपयुक्त हुन्छ । मेवाले मधुमेह, र ब्लड प्रेसर नियन्त्रण गर्नुका साथै शरीरमा लाग्ने घाउचोट पनि छिटो निको पार्छ ।
पानी
गर्मीमा प्रशस्त पानी पिइएन भने डिहाइड्रेसन हुन्छ । शरीरका नसा र कोशिकाहरूलाई पानीले सिंचित गरिराख्न शरीरमा पानीको मात्रा कम हुन दिनु हुँदैन । गर्मी महिनामा घामको सिधा असर हुने भएकाले शरिरलाई अत्यधिक पानीको आवश्यकता पर्दछ । यसर्थ,पानी पिइरहने गर्दा सबैभन्दा उत्तम हुन्छ ।
मकै
गर्मीमा मकै पोलेर अथवा उसिनेर खानु कतिपयलाई त्यति रमाइलो नलाग्न सक्छ। तर, मकैमा लुटेन र जेक्सानथिन नामक अक्सिडेन्ट्स पाइन्छन् । यसले सूर्यका हानिकारक विकिरणबाट आँखालाई जोगाउने गर्छ । यसर्थ, मकै खाने सिजन शुरु भएपछि भने टन्नै हरिया मकै खान पाठकलाई सुझाव दिइन्छ । साथै, यसले बुढ्यौलीका कारण आँखा कमजोर हुने समस्यालाई पनि कम गर्छ । मकैले शरीरलाई ऊर्जा प्रदान गर्ने कुरा त छँदै छ ।
खरबुजा
खरबुजामा ९२ प्रतिशत पानीमो मात्रा हुन्छ । गर्मी मौसममा दैनीक रुपमा खरबुजा खादा पानीको पूर्तिमात्रै हौन खनिज, भिटामिन र क्यालोरी र फाइबर पनि पाइन्छ ।
स्याउ
स्यामा फाइबर, एन्टीअक्सिडेन्ट, भिटामिन बी कम्प्लेक्स लगायतका तत्वहरु पाइन्छ । गर्मीमा स्याउ खादा यी तत्वहरुले शरीरलाई शीतलता प्रदान गर्छ ।
काँक्रो
गर्मी मौसममा फुर्तिलो हुन काँक्रो खाँदा लाभदायिक हुन्५ । काक्रोमा ९५ प्रतिशत पानको मात्रा हुने भएकाले यसले शरीरलाई निकै पाइदा गर्छ ।
गाजर
गाजरको एक कप जुस १० देखि १२ हप्तासम्म नियमित पिउने गर्नाले घाममा पाइने विकिरणले मानिसको छालामा हानि पुर्याउने जोखिम ५० प्रतिशत कम हुने गर्छ । सिधै गाजर खाँदा त झनै राम्रो । तर ख्याल गर्नुहोस्, गाजरमा विभिन्न चिरा परेका ठाउँमा फोहरहरु रहने भएकाले तीनलाई राम्रोसँग खुर्केर र पखालेर मात्र खानु होला ।
भूइँकटहर
गर्मी मौसममा शीतलता पाउन खानै पर्ने अर्को फल भूँइकटहर हो । यसले रोगसँग लड्ने प्रतिरोधात्मक क्षमता बढाउँनुका साथै छालालाई पनि स्वास्थ्य राख्छ ।
पुदिना
पुदिनामा औषधीय गुण हुन्छ र यो स्वास्थ्यका लागि निकै राम्रो मानिन्छ । यसमा भिटामिन ‘ए’को मात्रा धेरै हुने भएकाले मानव स्वास्थ्यका लागि निकै फाइदाजनक मानिन्छ । यसले अनुहार चम्किलो बनाउन पनि सहयोग गर्छ । यो गर्मीका समयमा स्वास्थ्यका लागि झन् बढी फाइदाजनक मानिन्छ किनभने यसको गुण शीतल हुन्छ ।
केरा
गर्मी मौसममा केरा खानु स्वास्थ्यका लागि निकै फाइदाजनक छ । केराले चिसो महसुस गराउनुका साथै झाडापखाला बाट पनि बचाउँछ ।
दही
यो समयमा संक्रमणको जोखिम उच्च हुने तथा त्यसबाट पाचन क्रियासम्बन्धी समस्याहरु निम्तिने डर हुन्छ । गर्मी याममा खानपानको विषयमा अपनाउनुपर्ने सावधानी सँगै खानामा दही समावेश गराउनु निकै फाइदाजनक हुन्छ । दहीको नियमित सेवनले गर्मी याममा स्वास्थ्य तथा सुन्दरतालाई प्रवर्धन गर्न सहयोग पूराउँछ ।
