काठमाडौं । सरकारले पछिल्लो सात महिनामा साढे पाँच करोड रुपैयाँ सहायता बाँडेको छ । अर्थ मन्त्रालयका अनुसार गत साउनदेखि माघ मसान्तसम्म व्यक्ति तथा संस्थालाई सरकारले पाँच करोड ४६ लाख ३३ हजार रुपैयाँ सहायता बाँडिएको हो ।

साउनमा २४ लाख, भदौमा ८८ लाख ७२ हजार, असोजमा एक करोड ३० लाख ८४ हजार, कात्तिकमा ४४ लाख, मंसिरमा २५ लाख, पुसमा एक करोड ४१ लाख ७७ हजार र माघ महिनामा ९२ लाख रुपैयाँ सहायता सरकारले बाँडेको छ । मन्त्रालयका अनुसार सबैभन्दा बढी असोज र पुसमा बाँडिएको छ ।

असोजनमा एक करोड ३० लाख ८४ हजार रुपैयाँ सहायता बाँडिएको छ भने पुसमा एक करोड ४१ लाख ७७ हजार रुपैयाँ सहायता बाँडिएको छ । यसरी रकम बाँडिने कार्यको चर्को विरोध हुँदै आएको छ तर पनि हालसम्मका कुनैपनि सरकारले आफ्ना कार्यकर्ता र तिनले चलाएका संस्थाहरुलाई रकम बाँड्ने क्रम रोकिएको छैन ।