काठमाडौं । साताको अन्तिम कारोबार दिन बिहीबार नेप्से सूचकमा दोहोरो अंकको वृद्धि भएको छ ।

नेपाल स्टक एक्सचेञ्जका अनुसार यसदिन नेप्से सूचक १२.४३ अंकले बढ्दै २१ सय ८२.६१ अंकमा उक्लिएको हो । अघिल्लो दिन यस्तो सूचक ७.१३ अंकले घट्दै २१ सय ७०.२१ अंकमा झरेको थियो ।

१२ अंक बढीले नेप्से बढ्दै गर्दा आज २ अर्ब ६ करोड २० लाख रुपैयाँ बराबरको ५६ लाख ४८ हजार कित्ता सेयर किनबेच भएको छ । अघिल्लो दिन ७ अंकले नेप्से घटेको बजारमा ३ अर्ब ६९ करोड १९ लाख रुपैयाँ बराबरको १ करोड ५ लाख २ हजार कित्ता सेयर कारोबार भएको थियो ।