काठमाडौं । इटालियन सिरी‘ए’ काे क्लब रोमाका मिडफिल्डर निकोलो जानिओलो टर्की सुपर लिगको क्लब गालातासरेमा अनुबन्ध भएका छन् ।

गालातासरेले इटालियन मिडफिल्डर जानिओलोसँग १६.५ मिलियन युरोमा साढे चार वर्षको सम्झौतामा अनुबन्धन गरेको बताइएको छ ।

रोमा छाडेपछि जानिओले इन्स्टाग्राममा पोस्ट गरेका छन् ‘रोमाले मलाई घरमा छु जस्तो महसुस गराएको थियो । क्लबले मेरो करिअर अगाडी मलाई एउटा मौका दियो । मैले यो अवसरलाई राम्रोसँग सदुपयो गर्ने प्रयास गरे । अब हामी छुट्टिएका छौ । रोमाको हिस्सा बन्न पाउनु मेरा लागि एक सम्मान थियो।’

जानिओलो सन् २०१८ मा सिरी‘ए’ प्रतिद्वन्द्वी इन्टर मिलानबाट रोमामा अनुबन्ध भएका थिए । उनले क्लबका लागि एक २८ खेलमा २४ गोल गरे।