☰
काठमाडौं । थारु समुदायको महान् चाड माघी पर्व तथा मगर समुदाय लगायत अन्य समुदायले मनाउने आज माघ १ गते अर्थात् माघे संक्रान्ति ।
सरकारले आज सार्वजनिक बिदा दिएको छ ।
माघ महिनाको १ गते मनाइने यस पर्वलाई थारु समुदायले माघी भनेर मनाउँछन् र नयाँ वर्ष मान्ने गर्छन् ।
मगर समुदायले पनि यसलाई आफ्नो मुख्य चाडको रुपमा धुमधामका साथ मनाउँछन् भने नेपालको समस्त भूभाग, हिमाल, पहाड र तराईमा यो पर्वलाई आ–आफ्ना परम्परा, भिन्न भिन्न विशेषता र प्रकृतिले मनाउने गरेका छन् ।
विशेष गरी माघे संक्रान्तिमा तिलको लड्डु, सखरखण्ड, तरूल र चाकूलगायतका मिष्ठान्न भोजन खाएर मनाउने प्रचलन रहेको छ ।
