☰
बिहानै खाली पेटमा कागती पानी पिउनुका अनेक फाइदा छन् । तर तपाई दिनहुँ कागती पाउनी पिउनु हुन्छ भने तपाई सचेत रहनु होला । कागती पानी खानुका फाईदा सगैँ बेफाईदा पनि थुप्रै छन् ।
कागती पानी पिउनु राम्रो मानिन्छ । तर कागती पानी पिउनाले नोक्सान पनि पुर्याउन सक्छ । यसले व्यक्तिको स्वास्थ्य सम्बन्धी समस्या झन् जटिल बनाउन सक्छ ।
कागती पानी पिउनाले भिटामिन सी, पोटासियम र फाइबर मिल्छ । तर अत्यधिक सेवन गर्नाले हाम्रो शरीरलाई नकारात्मक असर पनि गर्न सक्छ ।
यस्ता ५ किसिमका रोग वा समस्या भएका व्यक्तिहरूले कागती पानी पिउनु हुँदैन
– पेटमा अल्सर भएको छ भने पनि कागती पानी नपिउनु राम्रो हुन्छ । यसले पेटमा दुखाइ र जलन निम्त्याउँछ ।
– पिसावसँग सम्बन्धित समस्या छ भनेपनि कागती पानी नपिउनु नै उत्तम हुन्छ । कागती पानी पिउनाले बारम्बार पिसाव लाग्ने हुँदा त्यस्तो समस्या झन् प्रभावित गराउँछ ।
– जुन व्यक्तिको दाँतमा समस्या छ, कागती पानी पिउनाले दाँतमा भएको इनामेललार्इ नष्ट हुन गर्इ दाँत टुक्रिने वा सेन्सिटिभिटी बढ्ने जस्ता समस्या पैदा हुन सक्छ ।
– कागती पानीमा एसिडको मात्रा धेरै हुन्छ । तसर्थ यस्तो पानी बढी पिउनाले एसिडिटी बढ्ने, मुटुको जलन बढ्ने जस्ता समस्या देखिन्छ ।
– कागती पानीले कफ र पित्त बढाउँछ । यदि कफ एवं पित्तको कुनै समस्या भए यस्तो पानीले अझ समस्या जटिल बनाउँछ ।एजेन्सी
