एजेन्सी । टोटनहमका प्रशिक्षक एन्टोनियो कोन्टेले गत सिजनको जस्तै यस सिजन पनि इङ्लिस प्रिमियर लिगको शीर्ष स्थानमा बस्न जादुमयी प्रदर्शनको आवश्यक भएको बताए ।

‘अब जादुमयी प्रदर्शनले मात्र हामी शीर्ष चारमा अटाउने छौ,’कोन्टेले भने, ‘चोटका कारण केही खेलाडी मैदानबाहिर छन । गत सिजन हामी जुन लयमा थियौ, त्यो लय अहिले हामीमा छैन । टोली बलियो बनाउन अझ उत्कृष्ट खेलाडी भित्राउन आवश्यक छ ।’

टोटनहम गत सिजन आर्सनललाई पछि पार्दै च्याम्पियन्स लिगमा छनोट भएको थियो । तर यस सिजन भने टोटनहमको शीर्ष चारको सम्भावना लगातार कमजोर बनिरहेको छ ।

टोटनहम आइतबार घरेलु मैदानमा एस्टन भिल्लासँग २-० ले पराजित भएको थियो । बक्सिङ डे मा पनि कोन्टेको टोली ब्रेन्टफोर्डसँग अंक बाँड्न बाध्य भएको थियो । १७ खेलमा ३० अंक जोडेको टोटनहम पाँचौ स्थानमा छ ।