एजेन्सी । मार्कुस रासफोर्डको गोल लयमा म्यानचेस्टर युनाइटेडले मंगलबार नटिङघम फरेस्टलाई ३-० ले पराजित गर्दै इङ्लिस प्रिमियर लिगको शीर्ष चारको सम्भावना कायम राखेको छ ।

१५ खेलमा २९ अंक जोडेको युनाइटेड पाँचौ स्थानमा छ । जुन चौथो स्थानको टोटनहमभन्दा एक र तेस्रो स्थानको म्यानचेस्टर सिटीभन्दा तीन अंक कम हो । यद्धपी टोटनहमले युनाइटेडभन्दा एक खेल बढी खेलेको छ । सिटीले पनि मात्र १४ खेल खेलेको छ ।

१९औं मिनेटमा रासफोर्डको गोलमा युनाइटेडले अग्रता लिएको थियो । २२औं मिनेटमा एन्थोनी मार्सियालले युनाइयटेडको अग्रता दोब्बर पारेका थिए ।

खेल सकिन तीन मिनेट बाँकी हुँदा फ्रेडले युनाइटेडका लागि तेस्रो गोल गरेका थिए । त्यस्तै रहिम स्टर्लिङ र मेसन माउन्टको समान एक गोलमा चेल्सीले बर्नामाउथलाई २-० ले हरायो । चेल्सी १५ खेलमा २४ अंकसहित आठौं स्थानमा छ ।