काठमाडौं । म्यानचेस्टर युनाइटेडका प्रशिक्षक इरिक टेन हागले पोर्चुगलका स्ट्राइकर क्रिस्टियानो रोनाल्डोको बर्हिगमनपछि आफूहरु नयाँ स्ट्राइकरको खोजीमा रहेको बताएका छन ।

‘हामी नयाँ स्ट्राइकरको खोजीमा छौ,;टेन हागले भने, ;जसबाट टोलीले गोल लयको अपेक्षाा गरेको छ । हामीले एक उत्कृष्ट स्ट्राइकर गुमाइसकेका छौ । म यस विषयमा थप केही बोल्न चाहन्न ।’

नोभेम्बरमा रोनाल्डोले अन्तरवार्तामा टेन हागका साथै क्लबमा अन्य केही पदाधिकारी आफ्नो ओल्ड ट्रापोर्ड बसाईमा सन्तुष्ट नरहेको प्रतिक्रिया दिएका थिए । सो प्रतिक्रियासँगै रोनाल्डो र युनाइटेडको सम्बन्ध चिसिएको थियो । युनाइटेड र रोनाल्डो आपसी सहमतीमा सम्झौता रद्द गर्न सहमत भएका थिए ।