काठमाडौं । स्पेनिस ला लिगाको क्लब रियाल मड्रिडका रक्षक डेविड अलाबाले पोर्चुगिज स्टार क्रिस्टियानो रोनाल्डो क्लबविहिन रहनु लाजमर्दो रहेको बताएका छन् ।

‘पछिल्ला १५ वर्षमा रोनाल्डोले विश्व फुटबलमा धेरै सफलता हासिल गरेका छन् । रोनाल्डो मेरो पुस्ताका लागि प्रेरणाका स्रोत हुन्’,अलाबाले भने‘ रोनाल्डो जस्तो महान् खेलाडीलाई यस्तो अवस्थामा देख्नु लाजमर्दो र दुःखको कुरा हो ।’

पाँचपटकका बलोन डि’अर विजेता रोनाल्डो हाल कुनै क्लबमा आबद्ध छैनन् । रोनाल्डो समरमा युइफए च्याम्पियन लिग क्लबमा आवद्ध हुन असफल भएका थिए । क्लबसँगको खटपटकका काण युनाइटेडले रोनाल्डोसँगको सम्झौता रद्द गरेको थियो ।