काठमाडौं । साप्ताहिक कारोबारको पहिलो दिन आज (आइतबार) नेपाली बजारमा सुनको मूल्य बढेको छ। सुनको मूल्य ६०० रुपैयाँ बढेर प्रतितोला १ लाख रुपैयाँभन्दा माथि पुगेको हो।

नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला १ लाख ५०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख रुपैयाँ कायम भएको छ।

आइतबार चाँदीको मूल्य पनि तोलामा १० रुपैयाँ बढेर प्रतितोला १ हजार ३८० रुपैयाँ कायम भएको छ। यसअघि शुक्रबार भने तोलामा १० रुपैयाँ घटेर चाँदी प्रतितोला १ हजार ३७० रुपैयाँमा किनेबेच भएको थियो।