काठमाडौं । गायिका आस्था राउतलाई अमेरिकाले इमिग्रेसनबाटै फर्काइदिएको छ । भिजिट भिसामा अमेरिका गएकी आस्थालाई इमिग्रेसनले भिजिट भिसामा अमेरिकामा कार्यक्रम गर्न नमिल्ने भन्दै फर्काइदिएको हो ।

अमेरिकी इमिग्रेसनले उनलाई पर्फमेन्स भिसा लिएर आउन भनेको छ । उनले आफू अमेरिकाबाट फर्कनुलाई ‘टेक्निकल इरर’ भनेकी छिन् ।

उनले भनिन्, ‘ भिजिट भिसामा यस अगाडि म पटकपटक अमेरिका पुगेर कार्यक्रम गरेर फर्किएको हो। अहिले भने भिजिट भिसा हुँदैन, पर्फमेन्स भिसा चाहियो भनेर फर्कायो।’