☰
काठमाडौं । कतिपयलाई तामाको भाँडामा राखिएको पानी पिउनु पर्छ भन्ने थाहा नहुन सक्छ तर तामाको भाँडामा राखिएको पानी पिउदा मानिसको शरीरमा लागेका विभिन्न रोगहरु निको भएको चिकित्सकहरुको भनाई छ । जस्तै कुनै मानिसको जोर्नी दुख्ने समस्या छ भने तामाको भाँडामा राखिएको पानी नियमित पिउनाले त्यस्ता पीडाबाट मुक्त गराउँदछ । त्यसैगरी आयुर्वेदका अनुसार तामाको भाँडामा पानी पिउनाले तीनैवटा दोष (वात, कफ र पित्त) लाई सन्तुलित पार्ने क्षमता हुन्छ। त्यसकारण तामाको भाँडामा राखिएको पानी निरन्तर पिउने बानी बसाल्नाले कसरी रोगबाट मुक्त भईन्छ त भन्ने विषयमा तर लेखिएका केही स्वास्थ्यसम्बन्धी टिप्स हेर्नुहोला ।
१–तामाको भाँडामा राखिएको पानीलाई ‘ताम्रजल’ भनिन्छ। यसका लागि तामाको भाँडामा कम्तीमा पनि ८ घण्टा पानी राख्नुपर्दछ।
२– तामाको भाँडामा पानी राख्नाले तामा बिस्तारै पानीमा मिसिएर सकारात्मक गुण प्रदान गर्छ। यसको सबैभन्दा राम्रो पक्ष पानी कहिल्यै पनि बेस्वादको हुँदैंन। त्यसैले पनि लामो समयसम्म तामाको भाँडामा पानी राख्न सकिन्छ।
३– तामामा प्राकृतिक रुपमा ओलीगोडिनेमिकको रुपमा )ब्याक्टेरियामा धातुलाई स्टेरलाइज्ड) मानिन्छ। यसमा राखिएको पानीको सेवनले पेटमा भएको ब्याक्टेरिया सजिलै नष्ट गर्न सक्छ। उदाहारणकालागि पानीजन्य रोग डाइरिया, कमलपित्तजस्ता रोग रोक्न पनि उपयोगी मानिन्छ।
४– थाइरेक्सिन नामक हर्मोनको असन्तुलनका कारण थाइराइडको रोग लाग्छ। तामाको भाँडामा राखिएको पानी पिउनाले शरीरमा थाइरेक्सिन हर्मोन नियन्त्रित हुन्छ र यो हर्मोन निकाल्ने ग्रन्थीको कार्यप्रणालीलाई पनि नियन्त्रित गर्छ।
५– यसले रगतको विकार र कमी हुने समस्या हट्छ। पोषक तत्वलाई शोषेर रक्तवाहिनी नलीहरुमा यसलाई नियन्त्रित गर्छ।
६– जोर्नी दुख्ने समस्या छ भने तामाको भाँडामा राखिएको पानी नियमित पिउनाले फाइदा हुन्छ। यसमा एन्टी इन्फ्लेमेटरी गुण हुन्छ।
७– यदि छाला स्वस्थ र सुन्दर बनाउन चाहनुहुन्छ भने रातभर तामाको भाँडामा राखिएको पानी बिहान पिउनुहोस्। तामाले शरीरमा नयाँ कोशिकाहरुको उत्पादनमा मद्दत गर्छ। नियमित रुपमा यस्तोपानी पिउनाले छाला स्वस्थ र चम्किलो हुन्छ।
८– तामामा मष्तिष्कलाई उत्तेजित गर्ने गुण हुन्छ। यो गुणको उपस्थितिमा मष्तिष्कले तीब्रता र कुशलतापूर्वक काम गर्न मद्दत गर्छ।
९– तामाको भाँडामा राखिएको पानी पिउनाले चाउरी पर्ने प्रक्रियालाई पनि ढिलो गराइदिन्छ। यसले नयाँ र स्वस्थ छालाको कोशिकाको उत्पादनमा पनि मद्दत गर्छ।
१०– एसिडिटी, कब्जियतजस्ता पेटका समस्या भएका मानिसका लागि तामाको भाँडामा राखिएको पानी अमृतसमान हुन्छ। आयुर्वेदका अनुसार यदि शरीरमा भएको विषाक्त पदार्थ बाहिर निकाल्न चाहने हो भने तामाको भाँडामा कम्तीमा ८ घण्टा राखिएको पानी पिउनुहोस्। यसबाट पेट फुल्ने समस्या र पाचनप्रणालीका समस्या हट्छन्
हरेक मानिसले आफ्नो स्वास्थ्यलाई रोगबाट बचाउनकोलागि पनि यस्ता स्वास्थ्यसम्बन्धी ज्ञानहरु लिन जरुरी छ । किन कि स्वास्थ्य नै धन हो रोग लाग्नु भन्दा रोग लाग्न नदिनु नै उत्तम उपाय हो यस्ता जिवनउपयोगी टिप्सबाट पनि तपाई हामीले आफ्नो जीवनलाई स्वस्थ्य बनाउन सक्छौं ।
