☰
काठमाडौं । स्टिभन् पाउल जब्स अर्थात स्टिभ जब्स (फेब्रुअरी २४,१९५५ (अक्टोबर ५,२०११) विश्व बिख्यात एप्पल निगम सहायक संस्थापक तथा अध्यक्ष हुन् । स्टिभ जब्सलाई विश्व बिख्यात स्माटफोन आइफोन जन्मदाताका रुपमा पनि चिन्निछ ।
आज स्टिभ जब्स हामीबीच नभए पनि यो संसारका लागि उनी प्रेरणाका स्रोत बनेका छन् । आइफोन अहिले मोबाइल फोनमा अग्रपंक्तिमा छ । आइफोनबाहेक आइप्याड र आइपडजस्ता डिभाइसका लागि मास्टर माइन्ड नै थिए जब्स । स्टिभ जब्स एप्पलका को–फाउन्डर, सिइओ तथा चेयरम्यान थिए ।
जब्सले आविष्कार गरेका आइफोन,आइप्याडबाट जस्ता ग्याजेटले विशाल दुनियाँलाई साँघुरो बनाईदिएको छ । त्यसैले त मानिसहरु निधनपछि पनि उनलाई धेरै सम्झिरहेका छन् र सबैको प्यारा मानिसको रुपमा मन, मुटुमा बसिरहनेछन् व्यक्ति हुन उनी ।
सन् २०११ अक्टोबर ५ तारीख स्टिभ जब्सको निधन भएको थियो । निधन हुनुअघि स्टिभका अन्तिम शब्दहरु के थिए भन्ने धेरैलाई चासो हुन सक्छ । हरेकको मनमा उत्सुकता हुने गर्छ सफलताको पर्याय जब्सले बोलेका अन्तिम शब्द के होला ?
जब्सले भनेका थिए–मैले सफलताको उच्च शिखर चढिसकेको छु। अरुको नजरमा सफलता मेरो जिवनको दोस्रो नाम हो । पैसा जिवनको एक भाग हो र म यसमा अभ्यस्त भइसकेको छु । आज म बिस्तारामा पल्टेर मेरो सिङ्गो जीवनलाई फर्किएर हेरेँ भने जिन्दगीमा जति नाम र पैसा कमाए ति सब मेरो मृत्युको समय केहि काम लाग्ने छैनन्।
आज म अध्याँरोमा लाइप सपोर्टिङ मेशीनको हरियो बत्ती देखिरहेको छु । साथैं भगवानलाई पनि महशुस गरिरहेको छु । मेरो मृत्यु नजिकै आइरहेको छ । म भन्न चाहान्छु –अन्तिम समयको लागि तपाई लगातार पैसा जम्मा गरिरहनु भएको छ र आफ्नो नाता–सम्बन्ध, कला, र बाल्यकालको सपनालाई ध्यान दिनुस् । सधैँ पैसा कमाउने बाटोमा मात्रै लाग्नुभयो भने तपाइलाई म जस्तै विकृत मानिस बनाउछ।
स्टिभ जब्सले ‘सिक बेड’ लाई दुँनियाको सबैभन्दा महँगो बिस्तारा भन्थे। उनको भनाई थिए– ‘तपाई आफ्नो लागि पैसा तिरेर ड्राइभर राख्न सक्नुहुन्छ तर जतिसुकै पैसा किन नहोस्, आफ्नो बिमारी लिइदिने अर्को व्यक्ति नियुक्त गर्न सक्नुहुन्न । जिन्दगीमा सबै चिज दोहर्याएर पाउन सकिन्छ तर जिवन एकचोटि मात्रै मिल्छ।’ सँधै आफ्नो परिवार, श्रीमती र आफ्ना साथीहरुलाई माया गर्नुस किनकी प्रेम र सम्झनाहरु नै हुन् जसलाई तपाईं आफूसँगै लिएर जान सक्नुहुन्छ ।
त्यसकारण हरेक मानिसले समय हुँदै म को हुँ र म यस धर्तिमा किन जन्म लिएको हुँ भन्ने कुरो गहन तरिकाले बुझ्न जरुरी छ किन कि विश्व बिख्यात एप्पल निगम सहायक संस्थापक तथा अध्यक्ष स्टिभ जब्ससँग अथाह पैसा भएपनि जब उनी विरामी भएर अस्पतालको बेडमा लडिरहेका थिए तब उनले बुझे जिन्दगी भनेको पैसा मात्र नहरेछ । साँच्चै नै जिन्दगीलाई नजिकबाट बुझ्न उनले आफ्ना नाता–सम्बन्ध, कला, र बाल्यकालको सपनालाई ध्यान दिन अनुरोध गरे । अनि सबै आफ्ना परिवार मित्रजनहरुसँग पवित्र माया र सम्झनाहरु सेयर गर्न भने किनकि आखीरमा अन्तिममा लग्ने भनेको केवल आफूले दिएका माया र सम्झना बाहेक अरु केही नरहेछ। स्टिभ जब्सको महत्वपूर्ण प्रेरणादायी बाणीबाट पनि मानिसले आफ्नो जिन्दगीलाई सही मार्गतिर डोर्याउन सक्नुपर्दछ ।
स्टिभ जब्सको निधन सन् २०११ को अक्टोबर ५ मा क्यान्सरका कारण भएको थियो । उनले समग्र मानवजातीलाई अमूल्य प्रेरणादायी खजना छाडेर गएका छन् जसले मानिसलाई यो संसारमा सही मार्गमा जीउने प्रेरणा दिनेछ ।
