काठमाडौं । श्रीलंका प्रिमियर लिग (एलपीएल) को तेस्रो सिजन आउँदो डिसेम्बरमा हुने भएको छ । आर्थिक संकटका कारण गत महिना हुने भनिएको प्रिमियर लिग स्थगित गर्नुपरेको थियो ।

एलपीएल प्रतियोगिता आयोजक सामन्था दोडनवेलाले सञ्चारकर्मीसँग भने, ‘मलाई एलपीएल डिसेम्बर ६ देखि २३ सम्म हुने घोषणा गर्न पाउँदा खुसी लागेको छ ।’

श्रीलंका क्रिकेटले देशको अवस्थाका कारण जुलाईमा हुने प्रतियोगिता स्थगित गर्ने निर्णय गरेको थियो। लिग तालिका अनुसार प्रतियोगिता आयोजना गर्नु उचित नभएको प्रायोजकहरुले पनि बताएका थिए । त्यसपछि श्रीलंकामा हुने एसिया कप युएईमा सार्ने निर्णय भएको थियो ।