काठमाडौं  । म्यानचेस्टर सिटीलाई पराजित गर्दै लिभरपुलले कम्युनिटी सिल्डको उपाधि जितेको छ ।

शनिबार किङ्स पावर स्टेडियममा सम्पन्न भएको फाइनल खेलमा सिटीलाई ३-१ गोल अन्तरले हराउँदै लिभरपुलले उपाधि जितेको हो।

लिभरपुललाई जित दिलाउन ट्रेन्ड एलेक्सान्डर आर्नोल्ड, मोहमद सलाह र डार्विन नुनेजले १/१ गोल गरे ।

यता, सिटीका लागि जुलियन अल्भारेजले सान्त्वना गोल फर्काए । प्रिमियर लिग विजेता र एफए कप विजेताले कम्युनिटी सिल्डको उपाधिका लागि खेल्ने गर्छन्। सिटीले प्रिमियर लिग २०२१/२०२२ को उपाधि जितेको थियो। यता, लिभरपुलले एफए कप जितेको थियो।