काठमाडौं । काठमाडौंको मनमैजुस्थित एन्जल्स हर्ट स्कुल तथा कलेजको आयोजनामा फर्स्ट एसईई फुट्सल टुर्नामेन्ट २०७९ सम्पन्न भएको छ ।

प्रतियोगितामा ३२ वटा समूहले भाग लिएकोमा जम्मा २ वटा समूह विजयी घोषणा भएका छन् । प्रतियोगितामा नमुना  फुट्सल प्रथम र मनास्लु वर्ल्ड कलेज द्वितीय भए ।

प्रतियोगितामा प्रथम हुने नमुना समूहले ३० हजार नगद, प्रमाणपत्र र ट्रफी प्राप्त गरेको छ भने सो समूहमा रहेर खेलेका सबै खेलाडीले पूर्ण छात्रवृत्ति प्राप्त गरेका छन् ।

खेल एसईई दिएका विद्यार्थीहरुकाबिच खेलाइएको सञ्चालक समिति सदस्य खिम थापाले जानकारी दिए ।

यस्तै प्रतियोगितामा द्वितीय हुने मनास्लु वर्ल्ड कलेजका विजयी खेलाडीले २० हजार नगद पुरस्कार, प्रमाणपत्र तथा ट्रफी र ७५ प्रतिशत छात्रवृत्ति प्राप्त गरेका छन् ।

सञ्चालक समिति सदस्य थापाले आज भएको प्रतियोगितामा सहभागी सबै समूहका खेलाडी विद्यार्थीलाई पढाईमा २५ प्रतिशत छात्रवृत्ति उपलब्ध गराइने जानकारी दिए ।

विजयी खेलाडीहरुलाई प्याब्सनका केन्द्रीय उपाध्यक्ष थकिमकुमार गुरुङले पुरस्कार वितरण गरे । पुरस्कर वितरण समारोहमा तारकेश्वर प्याब्सनका अध्यक्ष तथा एन्जल्स हर्ट माविका प्राचार्य धनबहादुर पुनको पनि सहभागिता रहेको थियो ।

अतिथि गुरुङ र पुनमगरले विजयी खेलाडीहरुलाई बधाई तथा सफलताको शुभकामना व्यक्त गरे । अतिथिहरुले प्रतियोगितामा सहभागी अन्य खेलाडीहरुलाई समेत आगामी दिनमा अगाडी बढ्न हौसला मिलोस भन्ने शुभेच्छा प्रकट गरे ।