☰
ज्याक मा चिनियाँ खर्बपति हुन् । उनी अनलाइन रिटेल कम्पनी अलिबाबाका चेयरम्यान हुन् । उनी एसियाका सबैभन्दा धनी व्यक्ति पनि हुन् ।
ब्लूमबर्गको इन्डेक्स अनुसार ज्याकको सम्पत्ति २३ बिलियन डलर रहेको छ । उनी सुरूमा अंग्रेजी शिक्षक थिए । उनको चासो इन्टरनेटतिर बढ्दै गयो ।
उनले इन्टरनेटको सानो उद्यम थालनी गरे । अलिबाबाको स्थापनसँगै चीनमा उनको बिजनेस हावासरी बिस्तार भएपछि उनले आफ्नो बिजनेस अमेरिका, युरोप र अफ्रिकी देशहरूमा बिस्तार गरे ।
उनी अहिले सफलताको शिखरमा छन् । बेलाबेलामा अन्तरविरोधी कुरा गर्ने र चर्चामा आउने ज्याक मा चिनियाँ सरकारको कर छलीको दायरामा पनि पर्ने गरेका छन् ।
ज्याक माका अनुसार कोही पनि व्यक्ति सफल हुन तपसिलका कुराहरूको गम्भीर भएर ख्याल गर्नुपर्ने बताउँछन् :
१. सफलताको शिखरमा पाइला टेक्न धैर्यता निकै जरूरी हुन्छ ।
२. जीवन अत्यन्तै छोटो, अति सुन्दर र अनुपम छ ।
३. काममा जति गम्भीर भएर लागिन्छ, उत्तिकै स्वादका साथ जीन्दगीको रसास्वादन गर्न सकिन्छ ।
४. संसारमा पैसाको कमी छैन, बरू कमी छ सपना देख्ने मानिसहरूको !
५. प्रतिस्पर्धा वस्तुको मूल्यमा कहिल्यै नगर्नुस्, सेवा र सिर्जनशीलतामा गर्नुस् ।
६. यो संसारमा अवसर छ कि छैन भन्ने कुरा थाह पाउन प्रयत्न गर्नैपर्छ । विनाप्रयत्न अवसर छ कि छैन भन्ने कुरा कसरी थाह हुन्छ ?
७. तपाई जो हुनुहुन्छ, आफू हुने प्रयास गर्नुस् । अरूको देखासिकी वा ‘कपिक्याट’ले खुसी र सफलता मिल्दैन ।
८. संगतका लागि इमान्दार व्यक्ति रोज्नुस्, अति इमान्दार होइन ।
९. हार नखानुस्, आज कठिन छ । भोलि झनै कठिन हुनेछ तर पर्सी अवश्य सरल बनेर आउने छ ।
१०. हार नखाने मानिसको अघिल्तिर अर्को एउटा मौका वा विकल्प आइरहन्छ । हार खानेको अघिल्तिर असफलता मात्र हुन्छ ।
११. जहाँबाट गुनासो आउँछ, त्यहीँबाट मौका पनि आइरहेको हुन्छ ।
