एपिडिमियोलोजी तथा रोग नियन्त्रण महाशाखाका निर्देशक चुमनलाल दासले हैजाबाट बच्न आम नागरिक नै सजग रहनुपर्ने बताएका छन् ।

सोमवार सिंहदरबारमा बसेको शिक्षा तथा स्वास्थ्य समितिको बैठकमा बोल्दै उहाँले हैजाबाट बच्न आम नागरिक र सरोकारवाला निकायहरु सजग रहनुपर्ने आवश्यक्ता रहेको बताए । उनले अहिलेसम्म महाशाखाले परीक्षण गरेको ३ ठाउँको पानी प्रदुषित देखिएको बताए । उनले तीन ठाउँमध्ये ललितपुरको सानेपा र काठमाडौंको वागबजार, डिल्लीबजारमा गरिएको पानी परीक्षणमा प्रदुषित पानी फेला परेको बताए ।

निर्देशक दासले कोटेश्वर र बल्खुको पानीको स्याम्पल लिइसकेको र परीक्षणका क्रममा रहेको बताउदै बुढानीलकण्ठ नगरपालिकाले महाशाखाको सहयोगमा गरेको परीक्षणमा पनि प्रदुषण फेला परेको बताए । उहाँले हैजा र झाडापखालाबाट बच्न नागरिक आफैँले सजग र शतर्क रहनुपर्ने आवश्यकमा जोड दिए । सरकारले यसको न्यूनिकरणका लागि आवश्यक काम गरिरहेको पनि बताए । उनले नागरिकले पानी उमालेर खाने, क्लोरिन, पियुष हालेर खाएमा पनि हैजबाट बच्न सकिने बताउदै यसका कतिपय लक्षण नदेखिने भएकोले सामान्य शंका लागेमा पनि स्वास्थ्य परीक्षण गराउन सुझाव दिए ।

निर्देशक दासले वागबजारमा देखिएको हैजाको केस गम्भीर प्रकृतिको रहेको बताउदै सरकारले हैजा फैलिनबाट रोक्न विभिन्न कदम चालिरहेको र अस्पतालहरुलाई तयारी अवस्थामा बस्न पनि सुझाव दिए ।