काठमाडौं । कतारबाट काठमाडौं आउँदा भित्रि वस्त्रमा लुकाएर ल्याइएको सुनसहित एक जना पक्राउ परेका छन् । त्रिभुवन अन्तराष्ट्रिय भन्सार कार्यालयले कतार एयरवेजमार्फत् काठमाडौं आएका धनुषाका एक जनालाई पक्राउ गरेको हो ।
आज विहान ९ बजेर ४५ मिनेटमा कतार एयरवेजको उडान नम्बर क्यूआर ६५२ बाट भित्रि वस्त्रमा ५१६ ग्राम सुन लुकाएर ल्याइएको थियो ।

चेकजाँचका क्रममा एउटा बिस्कुट र एउटा सिक्री लुकाएर ल्याउँदै गर्दा उक्त परिमाणको सुनसहित पक्राउ परेको भन्सार कार्यालयले जानकारी दिएको छ ।

हाल ती यात्रुलाई नियन्त्रणमा लिएर थप अनुसन्धान अघि बढाएको त्रिभुवन अन्तरराष्ट्रिय भन्सार कार्यालयका प्रमुख महेश भट्टराईले बताए ।