काठमाडौं ।
सज्जा चौलागाईंको स्वरमा रहेको गीत ‘आँखैमा लाउने गाजलु’ सार्वजनिक भएको छ । शुक्रबार काठमाडौंको मैतिदेवीस्थित डोरी रेस्टुरेन्टमा पत्रकार भेटघाटबीच गीतको भिडियो सार्वजनिक भएको हो ।

चौलागाईंको पहिलो एल्बम ‘भिक्टोरी’मा रहेको यो गीतको भिडियो साइराम पिक्चर्स युटुब च्यानलमार्फत् ल्याइएको छ ।
रामकृष्ण महराको शब्द, शंकर थापा ‘स्माइल’को संगीत र सञ्जीव सुब्बाको एरेन्ज रहेको गीतमा अशोक महर्जनको मिक्सिङ तथा मास्टरिङ रहेको छ ।

जीवन शाहीको निर्देशन तथा राहुल बराइलीको कोरियोग्राफी रहेको गीतको भिडियोमा विना राउत र सरोज प्रजाको अभिनय छ । भिडियोमा ज्ञानेन्द्र शर्माको छायाँकन र ओरिन्ट बिसन्खेको रंग सम्पादन छ ।

गीतको भिडियो सार्वजनिक कार्यक्रममा अतिथिहरूले शुभकामना तथा बधाई दिएका थिए भने गीतसँग सम्बिन्धित स्रष्टाले आआफ्ना राखेका थिए ।

‘सबैको मेहनतबाट एउटा राम्रो भिडियो श्रोता र दर्शकमाझ ल्याएको निर्देशक शाहीले बताए ।
यस्तै साइराम पिक्चर्सका समशेर श्रेष्ठले गीत र गीतको भिडियो राम्रो रहेकोले श्रोता र दर्शकले मन पराउनेमा आफू आशावादी रहको बताए । तस्वीर सुरेन्द्र थापा ।