काठमाडौँ। देशभर थप ४ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार ४६३ जनाको आरटी पीसीआर विधिबाट परीक्षण गर्दा ४ जनामा सङ्क्रमण पुष्टि भएको हो। योसँगै नेपालमा कोरोना संक्रमितको कुल संख्या ११ लाख १९ हजार १८९ पुगेको छ ।

त्यस्तै पछिल्लो २४ घण्टामा देशभर १८ संक्रमित निको भएका छन् । योसँगै नेपालमा कोरोना संक्रमण मुक्त हुनेहरुको संख्या ९ लाख ६६ हजार ८५७ पुगेको छ । पछिल्लो २४ घण्टामा पनि कसैको मृत्यु नभएको मन्त्रालयले जनाएको छ ।

हाल नेपालमा १ सय ७३ जना संक्रमितहरु आइसोलेसनमा रहेका मन्त्रालयले जनाएको छ ।