काठमाडौं । रुपन्देहीको बुटवल शहरमा बम बिस्फोट भएको छ । हिजो (बुधबार) साँझ मिलनचोकस्थित सडक छेउमा बम बिस्फोट भएको हो ।

बिस्फोटबाट कसैलाई क्षति नपुगेको रुपन्देहीका प्रमुख जिल्ला अधिकारी ऋषिराम तिवारीले जानकारी दिए । ‘सानो बिस्फोटको आवाज सुनिएको हो । खास क्षति केही पनि छैन,’ उनले भने ।

उनकाअनुसार घटनास्थलमा राजनीतिक दलको पर्चासमेत भेटिएको छ । नेकपा माओवादी लेखिएको पर्चा भेटिएको बताइएको छ ।

घटनास्थललाई प्रहरी र सेनाले आफ्नो नियन्त्रणमा लिएर अनुसन्धान थालेको छ । अहिलेसम्म घटनामा संलग्न कोही व्यक्ति पक्राउ नपरेको र घटनाको अनुसन्धान भइरहेको प्रजिअ तिवारीले बताए । यो समाचार अन्नपूर्ण पोष्ट दैनिकमा छ ।