काठमाडौँ। देशभर थप २१ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ७० जनाको आरटी पीसीआर विधिबाट परीक्षण गर्दा १८ जना र ७ सय १८ जनाको एन्टिजेन विधिबाट परीक्षण गर्दा ३ जनामा गरी जम्मा २१ जनामा सङ्क्रमण पुष्टि भएको हो । योसँगै नेपालमा कोरोना संक्रमितको कुल संख्या ११ लाख १९ हजार १८५ पुगेको छ ।

यस्तै पछिल्लो २४ घण्टामा मुलुकभर १६ संक्रमित निको भएका छन् । योसँगै नेपालमा कोरोना संक्रमण मुक्त हुनेहरुको संख्या ९ लाख ६६ हजार ८३९ पुगेको छ । पछिल्लो २४ घण्टामा पनि कसैको मृत्यु नभएको मन्त्रालयले जनाएको छ ।

हाल नेपालमा १ सय ८७ जना संक्रमितहरु आइसोलेसनमा रहेका मन्त्रालयले जनाएको छ ।