काठमाडौं । भन्सार विभागले चालू आर्थिक वर्षको ९ महिनामा कन्डम आयात घटेको जानकारी दिएको छ ।

चालू आर्थिक वर्षको ९ महिनामा विदेशबाट १३ करोड ९८ लाख रुपैयाँको कन्डम भित्रिएको छ । जुन, गत आर्थिक वर्षको यही अवधिको तुलनामा ४ करोड ९५ लाख रुपैयाँ कम हो ।

गत आर्थिक वर्षको ९ महिने अवधि  (साउन–चैत) सम्ममा १८ करोड ९३ लाख रुपैयाँको कन्डम भित्रिएको भन्सार विभागले जानकारी दिएको छ । त्यस अवधिमा विदेशबाट ५ करोड २२ लाख ५३ हजार वटा कन्डम नेपाल भित्रिएको थियो ।

यद्यपी, चालू आर्थिक वर्षको ९ महिनामा १ करोड ४० लाख ६४ हजार वटा मात्रै कन्डम भित्रिएको विभागले जनाएको छ । यसैगरी, गत आर्थिक वर्षभरीमा कूल २४ करोड ३८ लाख रुपैयाँको कन्डोम भित्रिएको थियो ।

गत आर्थिक वर्षमा उक्त मूल्य बराबरको ६ करोड १० लाख ८ हजार वटा कन्डम आयात भएको भन्सार विभागले सार्वजनिक गरेको तथ्यांकमा उल्लेख छ ।