काठमाडौँ। नेपाली बजारमा आइतबार सुनचाँदीको मूल्यमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार आज छापावाल सुनको भाउ तोलामा २ सय रुपैयाँले घटेर प्रतितोला ९९ हजार रुपैयाँमा कारोबार भइरहेको छ ।गत शुक्रबार सुन तोलाको ९९ हजार २ सय रुपैयाँमा कारोबार भएको थियो ।

यस्तै, तेजावी सुन तोलाको ९८ हजार ५ सय रुपैयाँ कायम भएको छ ।

यसैगरी ,आइतबार चाँदीको भाउ पनि घटेको छ । आज चाँदी तोलामा २० रुपैयाँले घटेर एक हजार तीन सय रुपैयाँमा कारोबार भइरहेको महासंघले जनाएको छ । गत शुक्रबार चाँदी १ हजार ३ सय २० रुपैयाँमा कारोबार भएको थियो।