काठमाडौं । धितोपत्र बजारमा शेयर कारोबार मापक नेप्से परिसूचक आज पनि दोहोरो अङ्कले ओरालो लागेको छ । आइतबार उच्च अङ्कले बढेको नेप्से परिसूचक सोमबार पनि ओरालो लागेको थियो । सोमबारकै लय पछ्याउँदै नेप्सेमा मङ्गलबार पनि गिरावट देखिएको हो ।

नेपाल स्टक एक्सचेञ्जका अनुसार १५.०२ अङ्कले ओरालो लागेको नेप्से परिसूचक दुई हजार ३७०.९९ मा थामिएको छ । यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक १.७४ अङ्कले घटेर ४५२.९५ मा ओर्लेको छ ।

नेप्सेको ओरालो यात्रासँगै कारोबार रकमसमेत घटेको छ । कूल २२८ कम्पनीको ३४ लाख १९ हजार २२८ कित्ता शेयर रु एक अर्ब चार करोड ६० लाख १४ हजार ४१७ मूल्यमा खरिद बिक्री भए । मङ्गलबारको कारोबारपछि बजार पूँजीकरण रु ३३ खर्ब ७२ अर्ब ७२ करोड ९५ लाख ७० हजार हाराहारीमा ओर्लेको छ ।

नेप्सेका अनुसार कारोबार भएका कूल १३ उपसमूहमध्ये आज दुई उपसमूहको शेयर मूल्यमा वृद्धि भएको छ भने ११ उपसमूहको शेयर मूल्य भने ओरालो लागेको छ ।

उत्पादन १६.४३ र सामूहिक लगानी कोष ०.२५ अङ्कले उकालो लागेको छ । त्यस्तै, बैंकिङ ५.१३, व्यापार १०.५९, होटल तथा पर्यटन ३।७१, विकास बैंक ४२.०१, जलविद्युत् ४०.५, वित्त १७.६४, निर्जीवन बीमा १००.१६, अन्य ११.३६, लघुवित्त १३.५९, जीवन बीमा ९५.८५ र लगानी १.१ अङ्कले ओरालो लागेको छ ।

कारोबारका आधारमा सिद्धार्थ बैंक शीर्ष स्थानमा छ । सो बैंकको रु चार करोड २१ लाख ८२ हजार बराबरको कारोबार भयो । त्यस्तै, अपि पावर कम्पनी रु चार करोड छ लाख ६२ हजार ६४८, नेष्डो समृद्ध लघुवित्त रु तीन करोड पाँच लाख ५५ हजार ६०९, अरुण भ्याली हाइड्रोपावर रु दुई करोड ९२ लाख ५९ हजार ७०७ र हिमालयन डिस्टिलरी रु दुई करोड ८५ लाख ५३ हजार ४६७ बराबरको कारोबार भई शीर्ष स्थानमा रहे ।

नेप्सेका अनुसार जाल्पा सामुदायिक लघुवित्तका लगानीकर्ताले ९.९९ प्रतिशतले कमाए । घटेको बजारमा सो कम्पनीको शेयर मूल्यमा भने सकारात्मक सर्किट लाग्यो । एनआइबिएल समृद्धि फण्ड दोस्रो ५.०६, किसान लघुवित्त ४.०२, एनआइबिएल प्रगति फण्ड ३.६७ र मेगा म्युचुअल फण्ड एक का लगानीकर्ताले ३.३४ प्रतिशतले कमाए ।

त्यस्तै, हिमालयन पावर पार्टनर ५.४१, मल्टिप्रपोज फाइनान्स ४.०२, युनाइटेड इदी मर्दी हाइड्रोपावर ४.०२, माहुली लघुवित्त ३.७३ र सामुदायिक लघुवित्तका लगानीकर्ताले ३.४४ प्रतिशतले गुमाए ।