काठमाडौँ । नेपाली बजारमा सोमबार सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार आज छापावाल सुनको भाउ तोलामा २ सय रुपैयाँले घटेर प्रतितोला एक लाख एक सय रुपैयाँ कायम भएको छ । यसअघि आइतबार छापावाल सुन तोलाको एक लाख तीन सय रुपैयाँमा कारोबार भएको थियो ।

यस्तै तेजावी सुनको भाउ तोलाको ९९ हजार ६सय रुपैयाँ निर्धारण भएको छ ।

यसैगरी आज चाँदीको भाउ भने स्थिर रहेको छ । आइतबार एक हजार तीन सय ६५ रुपैयाँमा कारोबार भएको चाँदी सोमबार पनि सोही मूल्यमा किनबेच भइरहेको महासंघले जनाएको छ ।