काठमाडौं । देशभर थप ४२ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ३२२ जनाको आरटी–पीसीआर विधिबाट परीक्षण गर्दा ३० जना र १ हजार १४९ जनाको एन्टिजेन विधिबाट परीक्षण गर्दा १२ जनामा गरी जम्मा ४२ जनामा संक्रमण पुष्टि भएको हो ।योसँगै नेपालमा कोरोना संक्रमितको कुल संख्या ११ लाख १८ हजार ५०८ पुगेको छ ।

यस्तै पछिल्लो २४ घण्टामा देशभर ८६ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ६५ हजार २२८ पुगेको छ ।

पछिल्लो २४ घण्टामा देशभर ५ हजार ४७१ जनाको परीक्षण हुँदा हालसम्म कुल ६६ लाख ६३ हजार १६० जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण कुनै पनि संक्रमितको मृत्यु भएको छैन । हाल नेपालमा कोरोना संक्रमणबाट मृत्यु हुनेको संख्या ११ हजार ९५१ पुगेको छ ।