काठमाडौँ। पछिल्लो २४ घण्टामा थप २१ जनामा कोरोनाभाइरस (कोभिड–१९) को सङ्क्रमण पुष्टि भएको स्वास्थ्य मन्त्रालयले जनाएको छ ।

मन्त्रालयका अनुसार पछिल्लो २४ घण्टामा ६३०९ जनाको नमुना परीक्षण गर्दा २१ जनामा सङ्क्रमण पुष्टि भएको हो ।

सोही अवधिमा ३१९ जना संक्रमण मुक्त भएको मन्त्रालयले जनाएको छ भने कसैको पनि मृत्यु भएको छैन ।

मन्त्रालयका अनुसार कोरोना संक्रमितको संख्यामा दिनहुँ कमी आइरहेको छ भने हाल देशभर १२५४ सक्रिय संक्रमित रहेका छन् ।