काठमाडौँ । साताको चौंथो कारोबार दिन बुधबार नेपाली बजारमा सुनचाँदीको मूल्य घटेको छ। मंगलबार प्रतितोला १ लाख ३ सय रुपैयाँमा कारोबार भएको छापावाल सुन बुधबार तोलामा १ हजार १ सय रुपैयाँले घटेर ९९ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यस्तै तेजावी सुनको भाउ तोलाको ९८ हजार ७ सय रुपैयाँ निर्धारण गरिएको छ ।

यसैगरी बुधबार चाँदीको मूल्य पनि घटेको छ । आज चाँदी तोलामा २५ रुपैयाँले घटेर प्रतितोला एक हजार ३ सय ७० रुपैयाँमा कारोबार भइरहेको महासंघले जनाएको छ।