काठमाडौँ । किर्तिमानी हिमाल आरोही निर्मल पुर्जा ‘निम्स दाई’लाई गिनिज बुक अफ वरल्ड रेकर्डले प्रमाणपत्र प्रदान गरेको छ । हिमाल आरोहणमा साहसी आरोहीको रुपमा चर्चित पुर्जालाई हिमाल आरोहण सम्बन्धी चारवटा किर्तिमानको लागि गिनिज बुकले प्रमाण पत्र प्रदान गरेको हो । सोमबार गिनिज बुकले पुर्जालाई प्रमाण पत्र दिएको तस्विर सार्वजनिक गर्दै चारवटा किर्तिमानको लागि उनलाई प्रमाण पत्र प्रदान गरेको बताएको छ । किर्तिमानी आरोही पुर्जालाई किर्तिमानको प्रमाण पत्र प्रदान गर्न पाउँदा खुसी लागेको गिनिज बुकले जनाएको छ ।

आरोही पुर्जा सन् २०१९ मे २३ का दिन सगरमाथाको चुचुरोमा पुगेका थिए, जहाँ सो दिन अरु ३५३ जना आरोही पनि त्यही पुगेका थिए । आजसम्मको इतिहासमा त्यतिधेरै आरोही सगरमाथाको चुचुरोमा पुगेको त्यो तस्विर पुर्जाले नै खिचेर सार्वजनिक गर्दा भाइरल भएको थियो ।

तस्वीर सौजन्य/ गिनिज बुक