काठमाडौं । देशभर पछिल्लो २४ घण्टामा ४८१ जना संक्रमणमुक्त भएका छन् । योसँगै नेपालमा संक्रमणमुक्त हुनेहरुको संख्या ९ लाख ६३ हजार ५९२ पुगेको छ ।

यस्तै पछिल्लो २४ घण्टामा थप ४४ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ४९५ जनाको आरटी–पीसीआर विधिबाट परीक्षण गर्दा ३५ जना र २ हजार ९९ जनाको एन्टिजेन विधिबाट परीक्षण गर्दा ९ जनामा गरी जम्मा ४४ जनामा सङ्क्रमण पुष्टि भएको हो । योसँगै नेपालमा कोरोना संक्रमितको कुल संख्या ११ लाख १८ हजार ३२३ पुगेको छ ।

पछिल्लो २४ घण्टामा देशभर ६ हजार ५९४ जनाको परीक्षण हुँदा हालसम्म कुल ६६ लाख २८ हजार ५१७ जनाको पीसीआर–एन्टिजेन परीक्षण भएको छ ।

यसैगरी पछिल्लो २४ घण्टामा कोरोना संक्रमणका कारण १ संक्रमितको मृत्यु भएको छ । हाल नेपालमा कोरोना संक्रमणबाट मृत्यु हुनेको संख्या ११ हजार ९५१ पुगेको छ ।