काठमाडौँ। देशभर पछिल्लो २४ घण्टामा ४९० जना निको भएका छन् । योसँगै नेपालमा कोरोनामुक्त हुनेको संख्या नौ लाख ६२ हजार ५८२ पुगेको छ ।

पछिल्लो २४ घण्टामा थप १७ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा एक हजार ९९३ नमुनाको पीसीआर परीक्षण गर्दा आठ जना र दुई हजार ५५० नमुनाको एन्टिजेन विधिबाट परीक्षण गर्दा नौ जनामा गरी जम्मा १७ जनामा सङ्क्रमण पुष्टि भएको हो।

यस्तै पछिल्लो २४ घण्टामा कोरोनाका कारण देशभर कसैको पनि मृत्यु पुष्टि भएको छैन । हालसम्म नेपालमा कोरोनाका कारण ११ हजार ९५० जनाको मृत्यु भएको छ ।

हाल देशभर कोरोनाका सक्रिय संक्रमितको संख्या तीन हजार ५९५ रहेको स्वास्थ्य तथा जनसंख्या मन्त्रालयले जनाएको छ ।