झापा । झापाको बिर्तामोडमा सुरु भएको पाँचौ संस्करणको झापा गोल्डकप प्रतियोगितामा जावलाखेल युथ क्लबलाई पराजित गर्दै सातदोबाटो युथ क्लब क्वार्टर फाइनलमा प्रवेश गरेको छ ।

शनिबार बिर्तामोडस्थित डोमालाल राजवंशी रंगशालामा भएको खेलमा जावलाखेल युथ क्लबलाई टाइब्रेकरमा ४–२ गोल अन्तरले पराजित गर्दै सातदोबाटो क्वार्टर फाइनलको यात्रा तय गरेको हो ।

ताेकिएकाे समयमा दुवै टोलीले २ -२ को बराबरी गोल गरेका थिए । खेलको तेस्रो मिनेटमै सातदोबाटोका लागि अजयी मार्टिनले गोल गरेका थिए । निरज चौधरीले डिबक्समा दिएको पासलाई सदुपयोग गर्दै मार्टिनले ‘वान टच’मा गोल गरे । दोस्रो हाफको ८ औँ मिनेटमा सातदोबाटोका आशिष राईले गोल गर्दै खेल बराबरीमा पारेका थिए ।

पाँचौँ संस्करणको झापा गोल्डकपको उद्घाटन एमाले अध्यक्ष केपी शर्मा ओलीले गरेका थिए ।