काठमाडौं । नेपाली बजारमा आज सुनचाँदीको मूल्यमा सामान्य गिरावट आएको छ।

नेपाल सुनचाँदी व्यवसायी महासंघका अनुसार मंगलबार छापावाल सुनको मूल्य तोलामा ६ सय रुपैयाँले घटेर ९७ हजार ६ सय रुपैयाँ कायम भएको छ। सोमबार छापावाला सुन तोलामा ९८ हजार २ सय रुपैयाँमा कारोबार भएको थियो।

यस्तै तेजावी सुनको भाउ तोलाको ९७ हजार १ सय रुपैयाँ कायम भएको छ।

यसैगरी मंगलबार चाँदीको मूल्य पनि घटेको छ। आज चाँदी तोलामा ५ रुपैयाँले घटेर एक हजार ३३५ रुपैयाँमा कारोबार भइरहेको महासंघले जनाएको छ ।